A Man’s A Man For A’That (Robert Burns)


This Robert Burns lyric, set to a traditional tune, is the song we’re going to perform at the end of the gig at the Parliament on the 30th Nov. The group is currently discussing how they want us to perform it – current suggestions include Gaelic, choral, rock and reggae versions!

A Man's a Man for A'That

Is there for honest poverty,
That hings its heid an’ a’ that,
The coward slave we pass him by,
We dare be poor for a’ that.
For a’ that, an’ a’ that,
Its toils obscure an’ a’ that,
The rank is but the guinea stamp,
The man’s the gowd for a’ that

What tho’ on hamely fare we dine,
Wear hodden gray an’ a’ that?
Gie fools their silk an’ knaves their wine,
A man’s a man for a’ that.
For a’ that, an’ a’ that,
Their tinsel show an’ a’ that,
The honest man tho’ e’er sae poor,
Is king o’ men for a’ that.

Ye see yon birkie ca’d a lord,
Wha struts an’ stares an’ a’ that,
Tho’ hundreds worship at his word,
He’s but a coof for a’ that.
For a’ that, an’ a’ that,
Their ribband star an’ a’ that,
The man o’ independent mind
He looks an’ laughs at a’ that.

A prince can mak’ a belted knight,
A marquis, duke an’ a’ that,
But an honest man’s aboon his might,
Gude faith, he maunna fa’ that!
For a’ that, an’ a’ that,
Their dignities an’ a’ that.
The pith o’ sense an ‘ pride o’ worth,
Are higher rank than a’ that.

Then let us pray that come it may,
(As come it will for a’ that)
That Sense and Worth, o’er a’ the earth,
Shall bear the gree an’ a’ that.
For a’ that, an’ a’ that,
It’s comin’ yet for a’ that,
That man to man, the world o’er,
Shall brithers be for a’ that.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: